Azərbaycanın "AnewZ" beynəlxalq televiziya kanalı Şəki haqqında sənədli film hazırlayıb.
"Şəki: Şəbəkə, tarix və sənətkarlıq Azərbaycanın canlı irsini birləşdirir" adlı sənədli filmdə Dövlət Turizm Agentliyinin Şəki Regional Turizm İdarəsinin rəisi Şahin Məlikovun, "Yuxarı Baş” Milli Tarix-Memarlıq Qoruğunun əməkdaşı, tədqiqatçı Zəminə Rəsulovanın, "Kiş" Tarix-Memarlıq Qoruğunun bələdçisi Gülnaz Maqsudovanın fikirlərinə də yer ayrılıb.
Filmdə qeyd olunub ki, Böyük Qafqaz dağlarının möhtəşəm fonunda yerləşən Şəki - incəsənət, riyaziyyat, memarlıq və təbiətin heyrətamiz ahəngdə qovuşduğu bir şəhərdir.
Vurğulanıb ki, şəhər mismar və yapışqan istifadə olunmadan hazırlanmış mürəkkəb şəbəkədən tutmuş UNESCO siyahısına daxil edilmiş tarixi mərkəzin zərif bütövlüyünə qədər, ipək ticarəti, sənətkarlıq və qədim yollar boyunca mədəni mübadilə daxil olmaqla əsrlərin yaradıcılığını əks etdirir.
Şəki xanlarının sarayı, karvansaralar və ənənəvi həyət evləri kimi abidələrlə zəngin olan şəhər Azərbaycanın tarixini, kimliyini və davamlı ruhunu canlı şəkildə ifadə edir.